O Pleno extraordinario aproba a conta xeral do Concello de Santiago do ano 2023

O Pleno extraordinario aproba a conta xeral do Concello de Santiago do ano 2023 | vive.gal

O expediente da conta xeral do 2023, que foi aprobado cos votos a favor do BNG, Compostela Aberta e o Grupo Socialista e as abstencións do Grupo Popular, recolle, segundo sinalou o concelleiro de Facenda, Manuel César, un incremento patrimonial total de case 16 millóns de euros (15.945.961,10 euros) e de máis de 10 millóns en patrimonio líquido, “froito do resultado do exercicio que pasa da cifra negativa de 2022 de case 4,3 millóns de euros a un lucro en 2023 de case 3 millóns (2.951.485,99 euros)”.

O concelleiro tamén destacou que o pasivo non corrente ou débedas que ten o Concello redúcese en máis de 1,5 millóns, aumentando o corrente en 7,3 millóns de euros, “aínda que de calquera maneira os dereitos de curto prazo superan en máis 24,46 millóns as obrigacións de curto prazo, aumentando o fondo de manobra a respecto do ano anterior, en máis de 2,2 millóns de euros”, detallou.

Ademias, Manuel César salientou as “melloras significativas a respecto do ano anterior, a pesar de ser un tratamento prorrogado”, xa que a xestión ordinaria pasou de -2.448.814,14 euros en 2022 a 2.407.395,43 euros en 2023, revertendo o resultado negativo en positivo. Tamén o resultado das operacións non financeiras pasou dun saldo negativo de 2.370.775,64 euros en 2022 a un resultado positivo de 2.526.634,22 euros en 2023, e o das operacións financeiras, dunha perda de case 2 millóns de euros (-1.899.927,81) a un superávit de 424.851,77 euros.

Manuel César tamén mencionou o aumento dos grandes programas de gasto, «froito dunha mellora na xestión municipal» e que se traduciu nun incremento na prestación de varios servizos prestados á cidadanía como son vivenda, servizos muncipal básicos de limpeza e alumeado, fomento do emprego, saúde pública, educación e deporte. Tamén aumentaron as partidas destinadas ao turismo, ao desenvolvemento empresarial, mantemento e reparación dos camiños veciñais, seguranza e orde pública, protección civil e ordenación do tráfico e estacionamento. A nivel interno, tamén se incrementou as partidas dedicadas á sociedade da información e da cidadadnía co obxectivo de mellorar o acceso da cidadanía aos servizoa municipais.

Melloras na xestión

Froito das medidas postas en marcha, o concelleiro de Facenda avanzou que o pago medio a provedores en outubro baixou a 65 días e a débeda reduciuse a 9,5 millóns. “Somos conscientes das deficiencias que existen neste Concello, pero para nada podemos considerar que estamos de brazos cruzados porque son moitas as medidas que se tomaron” e recordou que é necesario “esforzo e tempo” para revertir a situación. A este respecto, Manuel César aludiu a varias das medidas tomadas como a adquisición de novas ferramentas e a mellora da administración electrónica co obxectivo de axilizar a xestión interna dos procedementos.

Segundo Goretti Sanmartín, “somos moi conscientes desde este Goberno que hai eivas na xestión, que son problemas estruturais complexos de hai moito tempo” e destacou algunhas medidas tomadas nos últimos meses como a mellora do inventario a través dunha reforma estrutural coa que Patrimonio pasa a depender de Secretaría, os labores de continuidade no proceso de optimización das ferramentas informáticas para aumentar a axilidade nos procedementos ou a creación de unidades especializadas da xestión e seguimento do pagamento das facturas.

Síguenos en WhatsAppNoticias directo a tu móvil

Unirse →

Nesta sesión plenaria de carácter extraordinario tamén se aprobaron un expediente de suplemento de crédito para facer fronte ao incremento de do canon de SOGAMA polo tratamento de residuos urbanos , por importe de 901.884,89 euros, e outro expediente de crédito extraordinario por importe de 236.394,42 € e de suplemento de crédito de 45.297,98 € para atender o reintegro voluntario dunha parte do 1º libramento do MICIU ao proxecto SMARTIAGO e xuros de mora, financiado cunha parte do saldo do RLTGX 2023.

O Pleno extraordinario aproba a conta xeral do Concello de Santiago do ano 2023

Etiquetas

Te puede interesar

Últimas noticias

Suscríbete

A Asociación do Traxe Galego celebrará o Día das Letras cun desfile polas rúas de Santiago

A solución ás gárgolas do Hostal: «Poderían quedar como quimeras e buscar unha canalización interna»

Denuncian que a ‘desorganización’ no CHUS retrasa probas esenciais a unha paciente oncolóxica

Santiago acolle este domingo unha mobilización nacional pola visibilidade trans