O alcalde do Pino, Manuel Taboada Vigo, reuniuse o pasado 14 de xaneiro coa conselleira de Vivenda e Planificación de Infraestruturas, María Martínez Allegue, para tratar diversas iniciativas destinadas a mellorar o acceso á vivenda e fomentar o desenvolvemento urbanístico no municipio.
Líder Redacción
17 de enero de 2025 a las 12:45
Entre os temas abordados destacou a solicitude para a construción de vivendas de protección oficial en Arca, un proxecto que busca facilitar o acceso á vivenda ás persoas máis novas e ás familias, promovendo así o asentamento da poboación no concello.
Outros puntos clave tratados na reunión foron a modificación do Plan Xeral de Ordenación Municipal (PXOM) para permitir que a mocidade poida construír vivendas unifamiliares nos núcleos rurais próximos ás súas familias, ademais de a humanización de zonas en Arca e outros proxectos urbanísticos de interese.
A conselleira comprometeuse a analizar estas propostas e salientou a importancia de colaborar entre administracións para mellorar a calidade de vida da veciñanza. Este encontro supón un paso máis na aposta do Pino por un desenvolvemento sostible e adaptado ás necesidades da súa poboación.
Recibe las noticias en tu correo.
