O Pazo de Goiáns acolle unha exposición do deseñador boirense Juan Ares

Trátase dunha colección de mobles feitos con rede de pesca mariñeira que se poderá visitar no Pazo de Goiáns durante o mes de xuño.

A inauguración da mostra terá lugar o vindeiro luns día 8 ás 19.00 horas e contará cunha charla coloquio coincidindo co Dia Mundial dos Océanos. “O que se busca con esta mostra é compartir cos veciños unha experiencia de 10 anos no deseño con pezas feitas de reutilizar rede de pesca”, afirmou o deseñador.

Xunto coa inauguración da mostra, e para conmemorar o Día Mundial dos Océanos, realizarase un coloquio realizado polo deseñador sobre o respecto ao medio mariño e as oportunidades que xorden do mesmo. A concelleira de Cultura, María Outeiral, animou á veciñanza a visitar “esta mostra tan especial que mestura deseño, mar e cultura e que se vai levar a cabo nun lugar tan especial como é o Pazo de Goiáns”.