«O Club de Patinaxe Artística Brión, do Concello de Brión, colgase a medalla de prata na «Copa de España- IX Trofeo Cidade de Alcoy» que se celebrou na localidade de Alcoy este sábado 26 de abril.
Líder Redacción
30 de abril de 2025 a las 16:19
O CPA Brión leva acudindo a esta competición 3 anos e en todos lograron colgarse unha medalla, no 2023 foron medalla de prata, no 2024 medalla de bronce e nesta ocasión volveron a subir ao segundo caixón do podium e colgarse de novo a prata. Na competición participaban 23 grupos de diferentes comunidades de toda España.
As doce patinadoras: Leire, Alba, Marta, Antía, Yaisa, Icía, Flavia, Paula M., Carla, Greta, Paula A. e Zaira gozaron moitísimo desta experiencia e están moi contentas do resultado xa que melloraron a puntuación obtida no Campionato de España.
O seu equipo técnico, Natis e Andrea, están moi contentas e orgullosas das súas patinadoras «é un soño ter conseguido tres medallas neste campionato e as tres consecutivas, algo inimaxinable debido ao nivel de cada ano, pero é o resultado de moito esforzo e dedicación por parte das patinadoras, do equipo técnico, das familias e patrocinadores, xa que sen eles non sería posible poder participar».
Recibe las noticias en tu correo.
