O cruce de Xeneral Pardiñas con República do Salvador, en Santiago, transformarase nun espazo de preferencia peonil, seguindo o modelo de Montero Ríos. O goberno municipal vén de adxudicar as obras de mellora deste punto á UTE ‘Arines Obras y Proyectos SL e Success Infraestructuras e Servicios SA’ por un importe total de 61.352,59 euros e cun prazo de execución de catro semanas.
Líder Redacción
18 de marzo de 2025 a las 10:27
Google Maps
Esta intervención busca reducir a velocidade do tráfico e favorecer a mobilidade peonil mediante a elevación da plataforma ata o nivel das beirarrúas, facilitando a accesibilidade e aumentando a seguridade viaria. Ademais, contempla a renovación do alumeado público e a reorganización do mobiliario urbano para mellorar a convivencia entre peóns e vehículos.
Por outra banda, a Xunta de Goberno local aprobou a adxudicación do contrato para a rehabilitación integral do complexo deportivo de Santa Isabel á empresa MISTURAS OBRAS E PROXECTOS SA, cun orzamento de 2.633.897,75 euros, financiados con fondos Next Generation, e un prazo de execución de oito meses. A concelleira responsable anunciou que ofrecerá máis detalles sobre esta actuación nunha rolda de prensa próximamente.
Ademais, o executivo local adxudicou a Francisco Fernández Novás o contrato para a dirección da execución e coordinación de seguridade e saúde das obras de adecuación do Pazo de Raxoi, cun importe total de 53.240 euros. A concelleira avanzou que nos próximos días se formalizará a adxudicación do proxecto desta intervención para poder iniciar os traballos canto antes.
Recibe las noticias en tu correo.
