O BNG de Santiago responde con só dúas palabras ao intento de moción de censura
O voceiro municipal do PP e deputado autonómico, Borja Verea, confirmou en Radio Líder Santiago que continúa traballando “con luz e taquígrafos” para lograr unha moción de censura que permita un cambio de goberno na capital galega. Asegurou que Santiago vive “un colapso absoluto” baixo o executivo de Goretti Sanmartín (BNG) e propuxo un “goberno de emerxencia” con medidas urxentes en limpeza, transporte e vivenda. Tamén afirmou que “o importante non é quen encabece a moción, senón que Santiago volva funcionar”.
Líder Redacción
10 de octubre de 2025 a las 13:01
As súas palabras provocaron un terremoto político: o concelleiro non adscrito Gonzalo Muíños recuou tras amosarse inicialmente aberto á idea dunha moción encabezada por Mercedes Rosón, quen tamén negou calquera acordo co PP. O PSdeG pechou filas asegurando que “non imos mercadear co PP”, deixando a iniciativa popular sen apoios suficientes.
Pola súa banda, desde o BNG, a alcaldesa Goretti Sanmartín respondeu cunha mensaxe de calma e estabilidade. En redes sociais, compartiu unha foto no Pazo de Raxoi, carpeta en man, acompañada dunha frase breve e simbólica: “Seguimos traballando.”
