As pistas de pádel de Lameiro, no concello do Pino, volveron ser obxecto dun acto vandálico. Así o denunciou o Concello a través das súas redes sociais despois de que as instalacións amenceran este luns, cun dos cristais esnaquizado. Segundo explica o consistorio, trátase xa do terceiro episodio de vandalismo rexistrado no último ano nestas instalacións deportivas.
Líder Redacción
10 de marzo de 2026 a las 10:42
Desde o Concello do Pino condenan este tipo de comportamentos incívicos e lembran que “atentan contra un espazo que é de todos e todas”, ademais de supoñer un custo económico para as arcas públicas e prexudicar ás persoas usuarias destas instalacións.
Como consecuencia dos danos, o Concello anunciou que a actividade nas pistas de pádel queda suspendida temporalmente ata que os operarios municipais poidan repoñer o cristal esnaquizado.
Recibe las noticias en tu correo.
