• No desfile participaron 13 comparsas, 5 grupos locais, 8 grupos con menos de vinte membros e outros 20 nas categorías de parella e individuais menores e adultos
Líder Redacción
22 de febrero de 2026 a las 11:58
• O Concello repartiu máis de 6.400 euros en premios
Padrón. 21-2-2026.- A veciñanza de Padrón e arredores aproveitou un soleado sábado de Piñata para saír a rúa e gozar cun multitudinario desfile de Entroido, que encheu de colorido o casco histórico da vila. Máis de 1.000 persoas disfrazáronse para participar nun concurso no que o Concello repartiu máis de 6.400 euros en premios. Nunha longa comitiva entroideira participaron 13 comparsas, 5 grupos locais, 8 grupos con menos de vinte membros e nas categorías individuais (menores ou adultos) e parella houbo 25 participantes.
O destile comezou ás cinco da tarde e durante varias horas, milleiros de persoas estiveron aplaudindo o paso das diferentes agrupacións que percorreron a Avenida de Compostela, As Lágrimas e Fondo de Vila para rematar no Campo do Souto, mentres o xurado avaliaba a cada participante para decidir os gañadores deste concurso.
Gañadores por categorias:
Infantil: Rubik, Alma Animal, Pequeno mineiro
Adultos: Muller escorpion, Vamos de pesca, Pedroche 2.0
Parella: As Criaturas da fraga, Costureiriños do entroido, Fantasía del mar
Comparasas locais: CEIP Rosalia de Castro nos Xogos Olimpicos, Los piratas con mas plumas del Caribe, Carcacia onde os soños se fan realidade
Comparsas menos 20 membros: Remendos do faiado, Os ratos de laboratorio, Plántate… que te comemos
Comparsas mais 20 membros: Estrelas da Noite, a última chamada; Mar tropical; Comparasa Ciklón: Fantasia a la hora del cafe
A festa rematou coa actuación de Trópico de Grelos (que tamén abriu o desfile) en Fondo de Vila e a entrega de premios.
Recibe las noticias en tu correo.
