Mercedes Rosón critica a falta de pagamento das nóminas nos centros socioculturais

• Os traballadores que dependen da empresa Serviplus, que se ocupa dun dos catro bloques no que se divide o servizo, aseguran non ter recibido a súa nómina do mes de outubro
• A edil socialista pídelle á alcaldesa que aclare a situación na que se atopan os pagos por parte do Concello á empresa e “diálogo” co persoal “que se atopa agora mesmo nunha situación de vulnerabilidade e incerteza”

Santiago de Compostela, 7 de novembro de 2024.- As traballadoras e traballadores da rede de centros socioculturais de Santiago, os que dependen da empresa Serviplus, non recibiron o pago da súa nómina do mes de outubro. Unha situación pola que amosou a súa preocupación este xoves o Grupo Municipal Socialista, que se fixo eco desta denuncia por parte persoal.

Segundo explicou Mercedes Rosón, esta situación afectaría a un gran número de traballadores, toda vez que a empresa Serviplus ocúpase do lote máis amplo dos catro nos que se divide o contrato do servizo: o da animación sociocultural. O feito está a xerar “inquietude” entre o persoal, advirte Rosón, quen alerta ademais de que o Concello debe o pago de varias facturas tamén á propia empresa, “algo que incrementa esa preocupación polo que está a pasar con este servizo tan importante na nosa cidade”.

Así as cousas, a edil socialista reclamoulle ao executivo de Sanmartín transparencia, para explicar “cal é a situación na que se atopan os pagos por parte do Concello á empresa” e pediulle tamén diálogo ao goberno local co persoal do servizo que, explica, “se atopa agora mesmo nunha situación de vulnerabilidade e de incerteza importante por non recibir o pago da úl2ma mensualidade”.