‘Merca e Gaña en Comercio Punto Compostela’ repartirá 5.000 € en premios

Premios para quen merca no comercio local

Os clientes optarán a:

• 5 tarxetas prepago de 200 €

• 20 tarxetas de 100 €

Estas tarxetas deberán ser empregadas de novo nos comercios adheridos, fomentando así o consumo de proximidade.

Gala final con sorteos adicionais

A campaña culminará o 30 de setembro ás 20:30 horas coa Gala de Entrega de Premios na CEG (Rúa do Vilar, 54). Ademais de entregar os premios principais, haberá sorteos en directo para os asistentes, que deberán presentar un ticket de compra superior a 20 € realizado durante a campaña.

Entre os presentes repartirase:

• 2 tarxetas regalo de 500 €

• 1 tarxeta regalo de 1.000 €

E non só iso: a organización anunciou outro sorteo adicional de máis de 2.000 € en tarxetas regalo, que deberán ser gastadas nun prazo de 4 horas nun mesmo día, nos comercios asociados.

Como participar

Os clientes poderán rexistrar as súas compras de dúas formas:

1. Na web oficial: www.mercaeganasantiago.com.

2. A través do comerciante asociado, que poderá rexistrar a compra no portal específico para comercios.

Deste xeito, cada compra rexistrada contará por partida dobre no sorteo. Iso si, é imprescindible gardar ou fotografar o ticket de compra como xustificante.

Comercio local en valor

A Asociación Comercio Punto Compostela CCA impulsa esta iniciativa coa dobre intención de premiar a fidelidade da clientela e de dinamizar o comercio de proximidade en Santiago.

“Queremos que mercar nos comercios de Santiago sexa tamén unha experiencia con recompensa, e que cada cliente sinta que está apoiando directamente á cidade”, sinalan desde a organización.

Con esta campaña, Compostela reafírmase como referente en comercio local e turismo, cunha proposta que combina premios, sorteos e unha gran gala final aberta a toda a cidadanía.