Evacuado un operario tras sufrir unha caída desde gran altura nun polígono de Padrón

Segundo informou o 112 Galicia, o aviso produciuse arredor das 10:00 horas, cando un particular alertou de que o operario se precipitara desde unha altura considerable.

Ata o lugar desprazáronse efectivos de Urxencias Sanitarias de Galicia-061, ademais da Garda Civil, o GES e a Policía Local de Padrón. Unha vez no punto, os equipos de emerxencia confirmaron que o ferido se atopaba consciente.

Dada a situación, procedeuse á súa evacuación nun helicóptero medicalizado con base en Santiago para o seu traslado a un centro hospitalario.