O obxectivo xeral da obra, cun orzamento de máis 760.000 euros, foi o de mellorar a calidade do espazo público e, por tanto, a calidade de vida das persoas. Ademais, esta transformación supuxo unha mellora notable da accesibilidade e funcionalidade da rúa, completando as obras de renovación do muro e noiro da Alameda, así como a renovación das instalacións e servizos urbanos.
Líder Redacción
13 de abril de 2025 a las 23:43
No que ten que ver coa accesibilidade, elimináronse barreiras arquitectónicas e ampliouse a dimensión da beirrarúas próxima ás edificacións, adaptándoa á normativa vixente e creando un itinerario peonil, moi utilizado, máis cómodo e seguro. As obras incluiron a construción dunha plataforma única, mais co tráfico rodado segregado e ben delimitado, co resultado dunha rúa máis amable e favorable para camiñar a pé ou circular con cadeiras de bebés ou de rodas. Tamén conta con mobiliario urbano renovado, pequenas áreas axardinadas e zonas de descanso.
No relativo ás instalacións e dotación de servizos urbanos, renováronse as redes xerais de saneamento e abastecemento, e houbo una modernización das instalacións de iluminación pública, máis eficientes e homoxéneas. Tamén se interviu nas redes de telecomunicacións e distribución de gas.
Ademais dos dous carrís de circulación, a marxe dereita pegada ao muro conta cun carril refuxio para a bici. O obxectivo é facilitar o uso ciclable na rúa e favorecer a seguridade viaria das ciclistas neste tramo de subida.
Tranporte urbano e mobilidade
En canto ao transporte urbano, as liñas afectadas polas obras do Pombal retomarán a normalidade o luns 21 de abril. Estase a actualizar o Sistema de Axuda á Explotación da rede de transporte e Tussa reforzará informará ás persoas usuarias na próxima semana.
As obras do Pombal afectáronlle a sete liñas: 4, 8, 9, C2, C4, P1 e P7, que á volta de Semana Santa recuperarán as paradas, frecuencias e itinerarios previos ao inicio dos traballos.
Coa reapertura ao tráfico, recupérase a circulación en dobre sentido pola rúa do Pombal. A principal novidade tén que ver co acondicionamento do carril bici en sentido subida, mentres que o tránsito peonil se realizará á beirarrua situada na marxe esquerda, xunto ás vivendas e establecementos, que conta cunha maior amplitude.
Recibe las noticias en tu correo.
