As instalacións da banda de música de Santa Cruz de Ribadulla, en Vedra, acollerán este mes de xullo unha nova edición do campamento musical Cores e Sons, unha proposta pensada para rapaces e rapazas, a partir dos 9 anos, que queiran aprender, compartir e gozar da música nun entorno natural.
Líder Redacción
5 de junio de 2025 a las 13:14
O campus desenvolverase do 14 ao 18 de xullo e está promovido pola Fundación Sanganxa, unha entidade sen ánimo de lucro que aposta pola música como ferramenta de crecemento persoal. A actividade combina formación instrumental, traballo en grupo e tempo de lecer, coa natureza como aliada e coa banda como fío condutor.
Durante o campamento, o alumnado participará en clases individuais e grupais, ensaios colectivos e actividades deseñadas para mellorar a técnica e a expresión musical. O programa culminará cun concerto de clausura o venres 18 de xullo, aberto ao público.
A proposta está dirixida a intérpretes de instrumentos de vento, percusión, cello e contrabaixo. Os contidos serán impartidos por profesionais con ampla experiencia docente e musical, como Juan Lois, Aida Lozano ou Carla Figueroa, entre outros.
A inscrición está xa aberta ata o 30 de xuño e pode realizarse a través da web coresesons.com/inscricions. Para máis información, está dispoñible o teléfono 670 364 705 e o correo electrónico comunicacion@fundacionsanganxa.com
Recibe las noticias en tu correo.
