Boqueixón, 12 de setembro de 2025.- O Concello de Boqueixón vén de convocar o programa “Ponlle música 2025”, unha iniciativa dirixida a entidades e grupos de música tradicional no municipio e que ten como obxectivo contribuír á difusión e á promoción da música e do folclore local en Boqueixón durante o ano 2025. Unha iniciativa para a que o Concello destina 4.500 euros.
Líder Redacción
12 de septiembre de 2025 a las 14:55
Os grupos e entidades musicais de Boqueixón poderán solicitar axudas para financiar actuacións de música e/ou baile tradicional nas distintas festividades e eventos que se organicen nas parroquias de Loureda, Lamas, Vigo, Gastrar, Boqueixón, Oural, A Granxa, Ledesma, Pousada, Donas, Sucira, Sergude, Lestedo e Codeso entre o 1 de xaneiro e o 15 de novembro de 2025, e sempre que non sexan organizadas polo propio Concello.
Cada entidade ou grupo poderá solicitar ata un máximo de 375 euros de axuda por cada actuación, ata un máximo de 5, sempre que sexan en diferentes parroquias do municipio. Iso si, non se subvencionarán os gastos de actuacións de agrupacións artísticas incluídas na Rede Cultural da Deputación u outros programas doutras administracións.
O prazo de presentación de solicitudes estará aberto ata o vindeiro 10 de outubro na Sede Electrónica Municipal. Tanto os documentos de solicitude de subvención como de declaración responsable están dispoñibles na Sede Electrónica do Concello de Boqueixón.
Recibe las noticias en tu correo.
