En pleno corazón de Galicia, a poucos minutos de Santiago de Compostela, atópase Enoturismo María Manuela, un destino único que fusiona luxo e natureza nunha carballeira centenaria en Boqueixón. Con nove cabanas elevadas, viñedos propios e unha adega de alta eficiencia enerxética, este complexo invita a desconectar e vivir unha experiencia inmersiva entre viño e paisaxe.
Líder Redacción
7 de febrero de 2025 a las 20:59
O nome do proxecto non é casualidade. Como explica Nieves, a súa fundadora, «María e Manuela eran miña avoa e bisavoa, mulleres incansables que traballaron de sol a sol para sacar adiante ás súas familias. Esta é a nosa homenaxe a todas as mulleres do rural galego.»
A finca, que inicialmente estaba destinada a unha nova plantación de albariño, transformouse radicalmente cando Nieves e a súa familia descubriron a carballeira. «De súpeto vimos que non podíamos cortar esas árbores centenarias. Foi entón cando xurdiu a idea das cabanas, perfectamente integradas na natureza,» relata.
O complexo conta con nove cabanas en altura, todas con grandes ventás, chimenea e jacuzzi na terraza, permitindo aos hóspedes «gozar da experiencia única de durmir no bosque sen renunciar ao confort». Unha delas está completamente adaptada para persoas con mobilidade reducida.
O respecto polo medio ambiente foi clave na construción: «As nosas cabanas salvaron os carballos, xa que as colocamos estratexicamente para non cortar nin unha soa árbore», destaca Nieves.
Enoturismo María Manuela non só ofrece aloxamento, senón tamén unha inmersión no mundo do viño. A súa adega produce un albariño con D.O. Ribeira do Ulla, recoñecido pola súa calidade e carácter. «A terra aquí é especial. A Universidade de Santiago certificou que temos un dos chans máis minerais para a produción de albariño», explica Nieves con orgullo.
A bodega, inaugurada en 2022, é unha das máis eficientes enerxeticamente de Galicia. «Foi un reto, pero queríamos demostrar que se pode producir viño respectando o medio ambiente».
A localización do complexo, no val do río Ulla, permítelle aos visitantes afastarse do turismo masificado e conectar coa esencia de Galicia. «Aquí, cada recuncho invita a relaxarse, xa sexa cun viño na man, escoitando os paxaros ou simplemente gozando do silencio», comenta Nieves.
Con premios como o Agader 2020 ao proxecto singular de Galicia e o Juana de Vega á mellor intervención paisaxística, Enoturismo María Manuela é xa un referente en turismo sostible. «É un soño feito realidade. Queremos que quen nos visite leve consigo un anaquiño de Galicia no corazón».
Para reservas e máis información, visita www.mariamanuelaenoturismo.com.
Recibe las noticias en tu correo.
