Un incendio rexistrado na madrugada deste domingo deixou dous vehículos totalmente destruídos e un terceiro con danos de consideración no Paseo das Carolinas, en Ribeira.
Líder Redacción
22 de febrero de 2026 a las 15:45
O aviso produciuse arredor das 6.30 horas, cando un veciño contactou co 112 Galicia tras escoitar un estrondo semellante a unha explosión e comprobar que dous coches estacionados na zona estaban envoltos en chamas.
Desde o Centro Integrado de Atención ás Emerxencias (CIAE) 112 Galicia activouse de inmediato un operativo no que participaron efectivos do parque comarcal de bombeiros de Ribeira, así como axentes da Policía Local e da Policía Nacional. Os servizos de emerxencia traballaron na extinción do lume e na seguridade da contorna.
As forzas de seguridade iniciaron xa as primeiras dilixencias para esclarecer a orixe do incendio, sen que polo momento transcenderan máis datos sobre as posibles causas do suceso.
Recibe las noticias en tu correo.
