Entradas para a Copa de Rei entre SD Negreira–Real Sociedad á venda dende o mércores

Os socios e socias do club serán os primeiros en poder retirar as súas entradas de maneira anticipada os días 15 e 16 de outubro. O mércores poderán facelo os socios do número 1 ao 250, mentres que o xoves será a quenda dos socios do 251 ao 600.

A partir do venres 17 de outubro, as entradas sairán á venda para o público xeral, tamén no propio campo García Calvo.

Prezos e horarios de venda

Os socios e socias ao corrente de pago poderán adquirir unha entrada de Tribuna por 25 euros. En caso de querer máis entradas, poderán facelo a prezo de público xeral:

• Preferencia: 40 €

• Fondo: 30 €
  Os socios xuvenís contarán cun prezo reducido de 15 euros.

A venda desenvolverase no campo Jesús García Calvo en horario de mañá, de 10:30 a 13:00 h, e de tarde, de 19:00 a 21:30 h, tanto para socios como para público xeral.

Se algún socio non pode retirar a súa entrada no día correspondente á súa numeración, poderá facelo outra persoa socia, sempre que ambas estean ao corrente de pago e respectando a quenda establecida.

Pre-reserva de entradas

O club ofrece tamén a posibilidade de realizar unha pre-reserva de entradas, suxeita a dispoñibilidade. As persoas interesadas deberán contactar co club únicamente por WhatsApp no teléfono 641 060 935, indicando:

• Número de entradas desexadas

• Zona elixida (preferencia ou fondo)

• Nome e apelidos

• DNI

• Lugar de procedencia

As entradas reservadas poderán recollerse o venres 17 de outubro (de 10:30 a 13:00 e de 19:00 a 21:00). O pago realizarase preferentemente en efectivo no momento da retirada, aínda que tamén se admite o pago anticipado por transferencia bancaria, coa opción de recibir as entradas por correo electrónico.

Máis información dispoñible en www.sdnegreira.es