27 grupos de música tradicional participarán este sábado en Negreira na II Foliada Barcalesa

Este mércores participaba en Radio Líder Santiago, Lidia Caamaño, membro do grupo de música tradicional Os Garuleiros, organizadores do evento, para explicar a extensa programación de actividades para todos os públicos e variadas actuacións de 27 grupos chagados de toda Galicia.

Ao longo do día, actuarán agrupacións musicais e de baile tradicionais galegos. Entre as actuacións, están as Escolas de Pandereteiras do Concello de Negreira en diferentes categorías (infantil, xuvenil e maiores), a Sociedade Cultural e Folclórica Veiga do Cotón, Cantareiras das Amas de Casa de Rois, e moitas máis. Tamén contarase cunha Foliada Libre ás 23:20 h, onde todos os asistentes poden unirse ao festexo e aportar a súa música.

Ademais das actuacións musicais, a Foliada Barcalesa ofrece varias actividades complementarias para garantir a diversión de todos os públicos. Haberá unha cantina con prezos populares e un obradoiro de abesouros impartido por Julia Marín Ramírez. Ao longo da tarde, os asistentes poderán gozar de xogos tradicionais, unha exhibición de petanca polo Club Petanca Negreira, e postos de artesanía. Os máis pequenos tamén terán o seu espazo con inchables para o seu divertimento.

Para os amantes da boa comida, a organización ofrece opcións de xantar e/ou cea popular con pratos tradicionais como empanada, polbo, parrillada de carne, postres, café e bebidas. Os prezos para o xantar ou cea son moi accesibles: gratuíto para menores de 7 anos, 15 euros para nenos de 8 a 12 anos, e 30 euros para maiores de 12 anos.

A emoción tamén estará presente cos sorteos planificados ao longo do día, ás 14:30 h, 17:30 h, 19:00 h, e 21:00 h. Entre os premios, destacan vales de 100 euros para gastar nos bares e restaurantes de Negreira, unha cesta valorada en 150 euros, e vales de 150 euros para gastar nos establecementos comerciais de Negreira.

Para máis información podas consultar as redes sociais do Concello de Negreira. Non deixes escapar esta oportunidade única de gozar dunha xornada inesquecible con familia e amigos.

A entrevista completa, no seguinte enlace.