Rueda: «O Son do Camiño sitúa a Galicia na elite da música internacional»

• “Son tres días para desfrutar e nos que Galicia vai estar posta no mapa a través da música”, resaltou

Santiago de Compostela, 29 de maio de 2024.- O presidente da Xunta, Alfonso Rueda, destacou hoxe que o festival O Son do Camiño, que mañá inicia a súa quinta edición,  permite situar Galicia “no top da música europea e internacional” e se trata dunha cita que contribúe a levar “a marca Galicia” -vencellada ao Xacobeo- por todo o mundo.

Rueda visitou este mediodía as instalacións do Monte do Gozo onde se celebrará este certame que reunirá a 40.000 asistentes entre mañá e o vindeiro sábado e que terá sobre o escenario a artistas como Green Day, Love of Lesbian, Baiuca, Pet Shop Boys, Melendi, Ana Mena, Myke Towers, J Balvin ou Thirty Seconds to Mars.

O titular do Goberno galego fixo fincapé na importancia de este festival á hora de atraer visitantes á comunidade cunha elevada taxa de ocupación hoteleira. “Son tres días para desfrutar e nos que Galicia vai estar posta no mapa a través da música”, resaltou.