A piscina municipal cuberta de Arzúa reabre este luns tras importantes melloras
As obras incluíron a renovación do chan de madeira do vaso, a reposición de paneis e o reforzo da fachada, ademais da impermeabilización e tratamentos protectores
As obras incluíron a renovación do chan de madeira do vaso, a reposición de paneis e o reforzo da fachada, ademais da impermeabilización e tratamentos protectores
Líder Redacción
5 de octubre de 2025 a las 16:44
A piscina municipal cuberta de Arzúa volverá estar dispoñible para a veciñanza a partir do luns 6 de outubro, unha vez finalizadas as actuacións de mellora realizadas nos últimos meses.
Os traballos supuxeron un investimento de máis de 150.000 euros, destinados ao barnizado e á renovación da madeira, así como á mellora do illamento das instalacións.
Entre as actuacións principais, renovouse o chan de madeira do vaso, tratáronse e substituíronse paneis do teito e das paredes, reforzouse a fachada con madeira nova, realizouse a impermeabilización exterior e aplicáronse tratamentos protectores para garantir a durabilidade e a seguridade das instalacións.
O alcalde de Arzúa, Xoán Xesús Carril, subliñou: “Sabemos que aínda quedan melloras pendentes noutros espazos municipais, pero coa posta a punto da piscina damos un paso máis na dirección correcta: ofrecer instalacións coidadas, actualizadas e, sobre todo, útiles para a veciñanza.”
Tras a finalización destas obras, a veciñanza poderá volver desfrutar, desde este luns, da piscina municipal cuberta nunhas instalacións renovadas para a práctica deportiva e o lecer.
Recibe las noticias en tu correo.