Papá Noel Solidario na Estrada: diversión, solidariedade e esperanza para a Fundación Andrea

A Estrada prepárase para vivir unha xornada moi especial o domingo 14 de decembro, coa celebración da segunda edición do Papá Noel Solidario, unha iniciativa impulsada por Iván lorenzo e un grupo de voluntarios que destinarán todos os fondos recadados á Fundación Andrea, entidade que apoia a nenos con enfermidades graves ou terminais. “O custe total da entrada irá destinado á Fundación Andrea, que fai unha labor incrible”, explicou Iván durante a entrevista en Radio Líder Santiago.