Os Bombeiros de Arzúa lanzaron esta mañá un aviso urxente a través das súas redes sociais no que instan á veciñanza a extremar as precaucións ante a falta de servizo operativo durante a xornada de hoxe.
Líder Redacción
26 de noviembre de 2025 a las 12:47
Google Maps
No comunicado, ilustrado cun mapa da zona e sinais de alerta, o corpo de emerxencias advirte de que non haberá presenza activa de bombeiros, afectando directamente a diversos concellos da contorna, entre eles Arzúa, Melide, O Pino, Touro, Boimorto, Vilasantar, Sobrado, Toques e Santiso.
“Extremen as precaucións (Caution). Hoxe sen bombeiros”, sinala a mensaxe, destacando en vermello a área de actuación que queda temporalmente desasistida. A ausencia do servizo podería deberse –segundo indican fontes consultadas– a falta de persoal dispoñible.
A situación preocupa especialmente aos municipios afectados, xa que implica un incremento no tempo de resposta ante calquera incendio ou emerxencia, polo que se recomenda evitar queimas, revisar instalacións eléctricas e actuar con máxima prudencia en actividades potencialmente perigosas.
Recibe las noticias en tu correo.
