O Pleno municipal rexeitou informar favorablemente o cambio de denominación do CEIP Apóstolo Santiago (denominación actual) por CEIP da Almáciga (denominación proposta), nunha sesión na que o debate evidenciou a división política arredor da iniciativa.
Líder Redacción
26 de febrero de 2026 a las 18:32
A proposta saíu adiante cos votos a favor do BNG, Compostela Aberta e PSOE, mentres que o PP votou en contra. O concelleiro e as concelleiras non adscritas optaron pola abstención, o que impediu que o informe favorable prosperase.
A dirección do centro solicitara o respaldo do Concello tras acadar o acordo unánime do Consello Escolar e logo dunha proposta formulada pola ANPA. O obxectivo era obter o informe municipal necesario para tramitar formalmente a petición de cambio de nome ante a Consellería de Educación, administración competente para autorizar a modificación.
Segundo trasladara a comunidade educativa, o novo nome, CEIP da Almáciga, busca reforzar a identificación do colexio coa súa contorna e coa veciñanza do barrio. Porén, a falta de informe favorable do Pleno supón un atranco no procedemento administrativo, que require este paso previo para continuar coa tramitación ante a Xunta.
O debate político centrouse tanto na oportunidade do cambio como no significado da denominación actual, nunha sesión na que quedou patente a discrepancia entre os distintos grupos municipais sobre a conveniencia de modificar o nome histórico do centro.
Recibe las noticias en tu correo.
