O Pino humanizará a rúa dos Mollados e a de Forcarei cunha achega da Xunta

• A Corporación aprobou hoxe en pleno unha modificación de crédito para aportar os 55.023 euros e un gasto plurianual para cofinanciar o proxecto en 2025 e 2026
• A Consellería de Vivenda aportará 423.000 euros e o Concello do Pino 181.519

O Concello do Pino vai humanizar as rúa dos Mollados e a de Forcarei en Arca grazas a unha achega da Consellería de Vivenda, que será quen execute as obras previstas para este ano e o que vén cun orzamento total de 605.065 euros. Do importe total, a Xunta financia 423.545 euros e o Concello 181.519 euros.

Para asumir os compromisos necesarios para a execución destas obras, a Corporación do Pino aprobou hoxe en pleno extraordinario un gasto plurianual e tamén unha modificación de crédito para ter dispoñibles os 55.023 euros que o Concello debe aportar este ano.

As obras consistirán na humanización da rúa dos Mollados (que vai dende preto do colexio ata a N-550) e da rúa Forcarei, que enlaza a anterior coa casa consistorial pasando pola praza de Forcarei. “Vaise mellorar o firme, colocar novas beirarrúas, facer un carril bici e soterrar o cableado”, indicou o alcalde, Manuel Taboada.

O orzamento do proxecto elaborado pola Consellería de Vivenda ascende a 605.065 euros, dos que a Xunta financiara 423.545 (128.387 euros serán aportados este ano e 295.158 euros durante 2026).

Pola súa banda, o Concello deberá aportar 55.023 euros este ano (motivo polo que se aprobou en Pleno a modificación de crédito) e reservar outros 126.496 euros nos orzamentos de 2026 (garantidos co acordo de gasto plurianual).

Unha vez ratificados polo Pleno a modificación de crédito e o gasto plurianual, o Concello deberá asinar agora o convenio coa Consellería de Vivenda, que será a que licite a execución das obras.

O alcalde, Manuel Taboada, explicou que con este acordo poderán “acometerse unhas obras importantes no núcleo de Pedrouzo, que van mellorar a seguridade viaria dos peóns e do alumnado que estuda no CPI Camiño de Santiago.

Agradecemos a colaboracion da Consellería de Vivienda e Planificación de Infraestruturas, así como a outras infraestruturas financiadas pola Xunta de Galicia.