Fin de semana de éxitos para o Club Ximnasia Rítmica Compostela no prestixioso torneo EUSKALGYM, unha das citas máis destacadas da ximnasia rítmica a nivel estatal. O conxunto xuvenil Aceites Abril proclamouse campión do torneo, asinando un exercicio espectacular que lles valeu o ouro e o recoñecemento do público presente.
Líder Redacción
3 de noviembre de 2025 a las 23:22
A boa actuación non rematou aí. O equipo cadete Fisela e o ximnasta Hugo Vázquez acadaron ambos un meritorio 5º posto, demostrando o excelente nivel técnico e artístico que caracteriza ao club ourensán. Pola súa parte, os conxuntos infantil Mercado Boanergers e alevín Cobre San Rafael situáronse no 19º e 36º posto, respectivamente, nunha competición de altísimo nivel e gran participación.
Desde o club amosan o seu orgullo polo rendemento de todos os ximnastas, destacando “a gran melloría e o esforzo constante que se viu reflectido no tapiz”.
A entidade quixo agradecer tamén o apoio das familias, amizades, patrocinadores e colaboradores, que fan posible continuar medrando tempada tras tempada.
O EUSKALGYM, celebrado en Euskadi, congregou unha vez máis a centos de participantes de toda España, converténdose nun escaparate de talento e paixón pola ximnasia rítmica.
Un resultado de ouro para o Club Ximnasia RítmicaCompostela, que segue facendo historia e consolidándose entre os mellores do panorama nacional.
Recibe las noticias en tu correo.
