Contrata a un «dobre» para suplantalo no exame de conducir en Santiago

 

 

A Garda Civil está a investigar a dúas persoas acusadas de suplantar a identidade nun exame para obter o permiso de conducir na Xefatura Local de Tráfico de Santiago de Compostela. Segundo informa o Instituto Armado, os feitos, dentro da colaboración entre a Xefatura Provincial de Tráfico da Coruña e o Sector de Tráfico da Garda Civil de Galicia, ocorreron cando os axentes detectaron a un individuo que se presentara ao exame suplantando a identidade dun dos aspirantes.

Durante a identificación dos aspirantes para as probas teóricas, os funcionarios observaron a un individuo que, a pesar de mostrar o DNI verdadeiro do aspirante e un grande parecido físico, xeraba dúbidas sobre a veracidade da identidade.

Unha vez rematada a proba, os membros do GIAT procederon á identificación plena desta persoa, confirmando que non correspondía co aspirante, senón que era un individuo cun físico semellante que fora contratado para realizar o exame suplantando a identidade da persoa que debía facer a proba.