VIDEO | Arde un coche no corredor Brión-Noia

O coche quedou totalmente calcinado e provocou retencións de máis dun quilómetro, pero non houbo feridos.

Os bombeiros do GES Brión actuaron este domingo ás 21:40 horas para extinguir un incendio nun vehículo no corredor Brión-Noia, á altura do quilómetro 20 en dirección a Santiago. A alerta foi recibida a través do CIAE 112-Galicia, e os equipos de extinción lograron controlar as lapas, que xa afectaran a vexetación próxima, evitando que se convertese nun incendio forestal.

Como medida de precaución, mobilizouse unha brigada forestal e voluntarios de Protección Civil de Rois. O vehículo afectado quedou totalmente calcinado, pero non se rexistraron feridos. O incidente provocou importantes atrancos de máis dun quilómetro, afectando o tráfico de retorno das praias e a ponte festiva do 25 de xullo.

A rápida intervención dos servizos de emerxencia foi clave para evitar maiores consecuencias.