«A xerencia manipula os datos oficiais para banalizar o colapso das urxencias»

Santiago, 13 de xaneiro de 2024.- A pesares do relato oficial que nega o colapso dos servizos de urxencias do CHUS e da manipulación evidente das cifras publicadas no “Pulso do CHUS” en relación cas camas ocupadas, moi a noso pesar, a túzara realidade imponse. Segundo denuncian dende a Asociación de Pacientes e Usuarios do CHUS, o día 12 de xaneiro, ás 14:58 horas, 11 pacientes graves estaban aparcados nos corredores de acceso do servizo en padiolas e cadeiras de rodas e 41 co ingreso asinado en planta estaban acupando as zonas de atención mentres agardaban por unha cama. 

O grao de banalización do problema humano que se produce no servizo cando un paciente é colocado nos corredores, chega a tal nivel que o coordinador do servizo e a supervisión de enfermería habilitaron un corredor cunha mesa de control para que as persoas agarden, moitos deles en camisón, a ser trasladadas en ambulancia ou acceder a unha cama en planta. Segundo fontes fiables nas redes sociais varias traballadoras de enfermería, negáronse, con bo criterio deontolóxico, a desenvolver as súas funcións nese entorno.

Pero agora non só se oculta a realidade cun relato construído a medida senón que ademais, e de acordo cas fotos que se acompañan a esta nota, manipúlase a información oficial publicada diariamente na páxina web do CHUS. Segundo esta fonte oficial, os días 9 e 11 de xaneiro u número de persoas hospitalizadas no complexo hospitalario eran, respectivamente, de 931 e 928. Non entanto a porcentaxe de ocupación en médica era para os mesmos días do 57% e o 93%. Con practicamente o mesmo número de pacientes en planta a ocupación da área de medicina interna en 48 horas aumentou, por arte de maxia, nun 36%. Parece evidente que os responsables sanitarios desta área poñen mais empeño en ocultar a realidade que en resolver o problema humanitario que se produce no ámbito asistencial da súa responsabilidade.

O número de camas existentes no CHUS é de 1.511 polo que nas últimas 24 horas o nivel de ocupación era de 804 camas (53%), o que significa que un total de 707 camas están pechadas sen asignación de persoal facultativo e de enfermería. E isto sen contar as 73 camas do hospital Gil Casares que levan meses pechadas debido a paralización das obras de restauración.

Foto do Pulso do CHUS do 09/01/2024 recollendo o número de pacientes hospitalizados e a porcentaxe de ocupación nas últimas 24 horas.