Vila de Cruces, 15 de setembro de 2025 (Vía Láctea Comunicación).- Os Concellos de Vila de Cruces e Touro organizaron este pasado sábado, 13 de setembro, o roteiro “As dúas beiras do Ulla”, actividade enmarcada no programa ‘Goza do Ulla 2025’ na que participaron 54 persoas chegadas, ademais desde os municipios organizadores, doutros puntos como Vigo, A Coruña, Brión ou Ames.
Líder Redacción
15 de septiembre de 2025 a las 14:25
A ruta de sendeirismo foi de carácter fluvial, tipo lineal e de dificultade media. Os participantes percorreron durante cinco horas a senda polas dúas marxes do río Ulla nos concellos de Cruces e Touro. Ao longo do leito do Ulla, os participantes, acompañados en todo momento polos monitores da ruta, mergulláronse en bosques ribeiregos e gozaron da riqueza paisaxística que xorde ao redor da auga. A ruta ofreceulles fermosas paisaxes naturais como o Sobreiral do Ulla, un conxunto de sobreiras de 400 metros de lonxitude en Touro. Finalmente, desfrutaron do avituallamento na fermosa illa da área recreativa de Remesquide.
O programa ‘Goza do Ulla’ naceu en 2011 para desfrutar do Ulla con rutas de sendeirismo programadas nos municipios bañados polo río, que percorre as provincias de Lugo, A Coruña e Pontevedra.
Recibe las noticias en tu correo.
